HADD MA JISTA JSALTAN JEW JIEHU TRON

Description

It-Tielet Ktieb mill-ġrajja illustri ta’ Kartaksan

Issa kienu għaddew tmien snin u Granċella kellha għoxrin sena. Kienet għadha timxi b’lura, kienet għadha taf tħaddem moħħha b’qawwa akbar minn dik tal-kompjuters kollha tan-NASA u kienet għadha trabbi l-friefet il-lejl. Kulħadd kien iħobbha (minbarra klikka ċkejkna “Ta’ Taħt l-Art” … underground, li niltaqgħu magħha aktar tard), għax minkejja t-tgergir kollu tiegħu, il-poplu kien qed jgħix paxxut. Kulħadd kien għadu jiftakarha sewwa l-ħakma tar-Re Karlu VII, meta fil-pajjiż kien hemm diżordni sħiħa. Iżda minkejja dan kollu, Granċella ma kinitx kuntenta! Insomma … mhux eżattament hekk ridt ngħid … ma kinitx għalkollox b’moħħha mistrieħ. U kollu kien tort tal-ħolm.

L-istorja bdiet fl-ewwel volum, Ħadd ma Jista’ Jidħak jew Jiekol Pastizzi tal-Piżelli, u kompliet fit-tieni volum, Ħadd ma Jista’ Jkanta jew Idoqq Strumenti tal-Banda.